राजधानी रायपुर मं 12वीं राज्य स्तरीय UCMAS अबैकस अउ मेंटल एरिथमेटिक प्रतियोगिता 4 जनवरी के दिन वीआईपी रोड स्थित श्रीराम मंदिर, महर्षि वाल्मीकि मण्डपम मं कराय गे। प्रतियोगिता मं 5 ले 13 बछर आयु वर्ग के लगभग 1 हजार नन्हें-मुन्ना बच्चा मन हिस्सा लेके अपन गणितीय क्षमता के जबरदस्त प्रदर्शन करिन।
बच्चा मन विजुअल, लिसनिंग अउ फ्लैश कैटेगरी मं अबैकस के मदद ले बहुत कम समय मं कठिन गणित के सवाल हल करत दिखिन, जेन ले मंच मं बैठेक सबो लोगन हक्का-बक्का रहिगे। कार्यक्रम के बाद जऊन विद्यार्थी मन 8 लेवल पूरा कर ले हवंय अउ इंटरनेशनल ग्रेडिंग एग्जाम पास करिन, वो मन के गरिमा से भरपूर ग्रेजुएशन सेरेमनी घलो रखे गीस।
प्रतियोगिता मं रायपुर के ज्ञान गंगा स्कूल मं पढ़त कक्षा 8वीं के छात्र विराज जंघेल शानदार प्रदर्शन करथें, अउ चैम्पियन के खिताब ला अपने नाम कर लेथें। विराज, चौबे कॉलोनी स्थित UCMAS क्लास मं ट्रेनिंग लेथें। ओखर ये सफलता ऊपर ओखर गुरु धर्मेन्द्र जैन अउ निधि मैडम मुसकुरात बधाई देथें।
कार्यक्रम मं चैम्पियन, सीनियर अउ जूनियर कैटेगरी के विजेता बच्चा मन ला धर्मेन्द्र जैन द्वारा ट्रॉफी देके सम्मानित कर गीस। मुख्य अतिथि के रूप मं UCMAS मध्यप्रदेश के प्रबंध निदेशक नीरज गोयल अउ अमृता गोयल उपस्थिति रहिन। पूरा आयोजन दऊरान अभिभावक अउ बच्चा मन के चेहरा मं उत्साह, गर्व अउ उमंग साफ झलकत रहिस।