पुलिस के मुताबिक, भूमिका 2005 ले माओवादी संगठन मं जुड़ गे रहिस। पहिली ट्रेनिंग के बाद 2010 तक प्लाटून-01 मं रहिस। 2010 मं ओकर तबादला उड़ीसा (ओडिशा) राज्य कमेटी मं कर दे गिस अऊ वो अलग-अलग इकाई मं काम करत रहिस। 2011 ले 2019 तक वो सीसीएम संग्राम के गार्ड के रूप मं तैनात रहिस। ओकर बाद 2019 ले 2023 तक सीनापाली एरिया कमेटी मं एसीएम बने रहिस, अऊ सितंबर 2023 ले अब तक गोबरा एलओएस कमांडर के रूप मं काम करत रहिस।
पुलिस कहिथे के अभी संगठन मं सदस्य मन के कमी हो गे रहिस, वोकर सेती भूमिका नगरी अऊ सीतानदी एरिया कमेटी के संग मिलके संयुक्त रूप मं सक्रिय रहिस।
पुलिस रेकॉर्ड के हिसाब ले भूमिका कई नक्सली घटना मं सामिल रहिस। 2010 मं उड़ीसा के पड़कीपाली इलाका मं मुठभेड़, 2014 मं मैनपुर के मोतिपानी जंगल, 2016 मं नुआपाड़ा के कमलावाड़ी अऊ पोतेलपाड़ा जंगल, 2018 मं बीजापुर के तिमेनार जंगल, 2023 मं गरियाबंद के ताराझार जंगल, 2024 मं धमतरी के एकावरी जंगल, 2025 मं धमतरी के मांदागिरी जंगल अऊ 10 नवंबर 2025 मं गरियाबंद के सेमरा जंगल मं होए मुठभेड़ मं ओकर संलग्नता रहे हे।
इन मं से कुछ घटना मं नक्सली मन के मारे जइय्या के पुष्टि होय हे, अऊ कुछ मुठभेड़ मं कोनो जनहानि नइ होईस।
पुलिस के मुताबिक, लंबे समय तक जंगल मं रहित रहित भूमिका अपन घर-परिवार अऊ दांपत्य जिनगी ले दूर रहिगे रहिस। संगठन के भीतर भेदभाव, अंदरूनी दबाव अऊ विचारधारा ले मोहभंग होय के बाद वो मुख्यधारा मं लौटे के फैसला करिस।
भूमिका उपर तरह-तरह के आपराधिक प्रकरण दर्ज हवंय। आत्मसमर्पन के बाद छत्तीसगढ़ शासन के नीति तहत ओकर ला 50 हजार रुपये के प्रोत्साहन राशि देय गे हे।
पुलिस अधिकारी मन कहिथें के भूमिका जइसे बड़ी इनामी नक्सली के आत्मसमर्पन, धमतरी पुलिस के लगातर ऑपरेशन अऊ सिविक एक्शन कार्यक्रम के बड़ परिणाम आय। ये कदम नक्सल उन्मूलन अभियान बर अहम सफलता माने जावत हे अऊ जंगल मं भटके जवान-लइका मन बर ये एक ठन कड़ा संदेश आय के वो मन घलो मुख्यधारा मं फेर ले जुर सकथें।